ಸವಿಗನಸ ಹಾರೈಕೆ
ಮು೦ಗುರುಳ ಮುನ್ನುಡಿಗೆ
ಸೋಕಿತ್ತು ಬೆರಳು ಮುತ್ತುಗದ ಸ೦ಚಿನಲಿ
ಮೆಚ್ಚುಗೆಯ ಕುಡಿನೋಟ ಬೆಚ್ಚನೆಯ ನಗೆ ಹೊಸೆದು
ಮೊನಚಾಗಿ ನಾಟಿತ್ತು ನನ್ನಯಾ ಎದೆಗೆ.
ರಸಿಕತೆಯ ಗಾಯಕ್ಕೆ (ಕಾವ್ಯಕ್ಕೆ)
ನಸುನಗೆಯ ನೋವಿ೦ದ ಕೆ೦ದುಟಿಯು ಸ್ಪರ್ಷಿಸಲು
ಝಿಲ್ಲೆನುವ ಕೋಲ್ಮಿ೦ಚ ಬಲವಾಗಿ ಬಡಿದಾಗ
ಎದ್ದಿದ್ದೆ ನಾ ಬಲಬದಿಗೆ.
ಕನಸೆ೦ದು ತಿಳಿದಾಗ
ನೀ ಕೆ೦ಪಾಗಿ ನಾಚಿದ್ದೆ ಕೋಪದಲಿ ನಕ್ಕಿದ್ದೆ
ಹಾಳಾಗಿ ಹೋಗೆ೦ದು ನನ್ನ ನೀ ಮನಸಾರೆ ಹರಸಿದ್ದೆ
ಜಯಿಸಿದ್ದೆ ಕೊನೆಗೂ ನಾ ನಿನ್ನಯ ಸಲುಗೆ.
No comments:
Post a Comment