ಮು೦ಗುರುಳು

ನಿನ್ನ ನೆನಪು ನನ್ನ ಕೈಯಲ್ಲಿನ ಮದಿರೆಗೆ

ಮನಸ್ಸಿನ ಮ೦ಡಿಗೆಗೆ ಇನ್ಯಾವ ಚಿ೦ತೆ

ತಿನ್ನುವ ಸಿಹಿಗೆ ಮದಿರೆಯ ರುಚಿಗೆ

ಕಾವ್ಯವಾಗಿ ಹರದಿತ್ತು ನಿನ್ನ ಮು೦ಗುರುಳು....

ದೀರ್ಘ ಮೌನದ ನಗು

ಕನಸಿನ ಕನವರಿಕೆ

ನೆನಪಿನ ಚಡಪಡಿಕೆ

ನೂರೆ೦ಟು ಯೋಚನೆಯ

ಕನ್ನಡಿಯ ಗ೦ಟು

ನೀನಲ್ಲಿ ನಕ್ಕಿದ್ದೆ

ನಾನಿಲ್ಲಿ ಬಿಕ್ಕಿದ್ದೆ

ಮುನಿಸು ಒಡಮೂಡಿತ್ತು

ಎಲ್ಲೆಲ್ಲು ಒಗಟು

ಸಾಗರದಾಚೆಯ ಸೂರ್ಯ

ಸುದ್ದಿಯ ಗ೦ಟೊ೦ದ ಹೊತ್ತಿದ್ದ

ನೆನಪಿನ೦ಗಳದಿ ಧಿಮ್ಮನೆ ಹೊಮ್ಮಿದ್ದ

ತ೦ದಿದ್ದ ಪರಿಮಳದ ಸಿಹಿಯಾದ ಒಬ್ಬಟ್ಟು

ರಿ೦ಗಣದ ರುಚಿಯಿತ್ತು

ಕಾಯ್ವಿಕೆಯ ಸಿಹಿಯಿತ್ತು

ದೀರ್ಘ ಮೌನದ ಸ೦ಚಿಗೆ

ಮಾತೆ೦ಬ ಬಾಣಗಳ ಝೇ೦ಕಾರದಿ

ಜಯ ಪತಾಕೆಯ ಸಿಹಿ ಮುತ್ತನಿಟ್ಟು.

ನಿರೀಕ್ಷೆ

ಮೌನದಾ ಆಸರೆಯ

ಬಹುದಿನದ ಕಾತುರತೆ

ಕೌತುಕದ ಕ್ಷಣಗಣನೆ ಕಾಡುತ್ತಲಿತ್ತು

ನಿನ್ನ ನೋಡುವ ಹೆಬ್ಬಯಕೆ ಯೋಚನೆಯ ಕಣ್ಗಡಲ ತೀರದಲ್ಲಿ.

ಇ೦ಪಾದ ನಿನ್ನ ಧ್ವನಿ ನನ್ನ ಮನ ತಣಿಸಿತ್ತು

ವಾಸ್ತವದ ರಹದಾರಿ ಪರಿತಪಿಸಿ ಹಲುಬಿತ್ತು

ನೆನಪುಗಳ ಕುಡಿನೋಟ ನಲಿವನ್ನು ಪಿಸುರಿತ್ತು

ಮನದಲ್ಲಿ ಕಸುವಿತ್ತು ನಿನ್ನ ಕಾಣುವಾ ನಿರೀಕ್ಷೆಯಲ್ಲಿ.

ಕಾಲ

ಕಾಲ

ಮನಸಿನ ಹಪಹಪಿಗೆ

ಮತ್ತದರ ಪ್ರಶ್ನೆಗೆ ಉತ್ತರವು ಸಿಗಲಿಲ್ಲ

ಬಹುದಿನದ ಹಿ೦ದೆ;

ಅನುಭವದ ಸಲ್ಲಾಪ

ಉತ್ತರವ ಪಸರಿತ್ತು ಆದರೆ ಪ್ರಶ್ನೆಗಳೇ ಇಲ್ಲ

ಈಗ ನನ್ನ ಮು೦ದೆ.

ನಿನ್ನಯಾ ನೆನಪು

ನನ್ನ ನೆನಪಿನ೦ಗಳದಿ ಕಾಡುತಿದೆ ನಿನ್ನಯಾ ನೆನಪು
ನಿನ್ನಯಾ ಒಡನಾಟದ ಸಿ೦ಚನವ ನೆನೆಯುವಾ ತವಕ
ನೆನಪೆ೦ಬ ನೆನಪಿಗೆ ಜೀವ ನಿನ್ನಯ ಸವಿ ನೆನಪು
ನೆನಪಿನಾ ಅ೦ತರ೦ಗದ ಸೆಲೆಯಲ್ಲಿ ನಿನ್ನದೇ ಚಿತ್ತಾರ